logo
feat-img

IBITUBUZA KWUBAKA UBUGENZI

November 23, 2022

Uyu musi ufise abagenzi bangahe? Fata umunota umwe ubaharure. Ugereranije nimyaka cumi iheze, bararwiriye canke barongerekanye?

Naho ubuhinga bwo guhanahana amakuru bwateye imbere, turi uruganwe rufise ubunyakanwe gusumba ikindi gihe. Kubera iki benshi muri twebwe dufise abagenzi bake?

Marshall Segal aca yishimikiza amatohoza yakozwe n’umuhinga Drew Hunter, mugitabo Made for friendship, mukwerekana intambamyi zitatu zituma ubugenzi nyakuri bukena cane muribi bihe. Munyuma Marshall Segal aca yongerako iyindi ntambamyi ya kane. Reka tubirabe.(1)

  • KUBURA UMWANYA.
  • Ubugenzi bwose busaba gushira kuruhande umwanya. Bisaba kugabanya umuvuduko wubuzima ugaha agaciro abantu murikumwe. Kugira dukomeze ubucuti nabandi bantu bisaba ko umuvuko wacu wokubaho ube uwusanzwe. Uwo mwubakanye ntahagije. Ni kenshi abantu bamaze kwubakana batakaza guha agaciro ubugenzi. Marshall ati: twaba twubatse canke tutubatse, turakeneye ijwi ryuwundi muntu rituruka inyuma maze rikatuganiriza ukuri mumitima yacu no mu ngo zacu.

    Abakirisu bo mukinjana cambere bari bazi kubana. Bamara umwanya munini barikumwe. ( Ivyakozwe 2:44-47) ubuzima bwabo ntibwari bwuzuye imyitwarariko yakazi idahera. Ubuzima bwabo bwari bwuzuye abantu. Ubuzima bwabo bwagenda kumurindi muto ariko umwimbu ukaba ,munini (Ivyakozwe 2:47)

  • UBUHINGA BWA NONE
  • Womenga turegeranye n’abantu ariko kenshi bidusigamwo kwumva harico tubuze. Ubuhinga bwa none( technologie) si umwansi w’ubugenzi. Haraho abo dukunda baba bari kure bikadufasha. Ariko ntibikwiye gusubirira kubonana amaso kuyandi. Paulo ati” kuko nifuza kubabona kugira mbahe ingabire y’impwemu…”Abaroma 1:11-12.Dukwiye gutahura ko ubuhinga bwa none bufise aho bugeza. Tukama turwanira kubonana imbonankubone kand kenshi gashoboka.

  • KWIMUKA
  • Biragoye kwubaka ubucuti nabantu baguma bimuka kumpamvu zitandukanye. Haraho ubugenzi buba bitanguye kuryoha, umwe muri mwebwe ukazubona arimukiye mukindi gisagara, ikindi gihugu. Turi urunganwe rwama ruriko rurasezera. Ubugenzi bwimbitse burafata imyaka yokubana, umwitwarariko, kubungabunga. Turakwiye gusubira gutahura agaciro ko “kuhaguma”. N’abantu bangahe uzi boheba akazi keza, kariha neza hako batandukana nabo bakunda numuryango rukristu.”

    Mubihe vyambere vy’ishengero, abantu ntibaguma bimuka. Vyari vyoroshe kuguma mukibanza kimwe. Ariko  muribi bihe kuguma mu kibanza kimwe bisaba akigoro gakomeye.  Ni benshi bakurikiye indoto z’ubuzi, munyuma bagasigara bicuza ko batakaje akaryo keza ko kwubaka ubugenzi no kubana n’abandi mw’ishengero.

  • IBIYAGO BITIMBITSE
  • Kuba abagenzi ntibihagije mugihe ibiganiro vyacu bitigera biba ibitumbereye Imana, bikama ari ibiganiro bitimbitse muburyo bw’impwemu. Mbega turiyumvira muburyo butumbereye ingene twokwubaka ibiganiro bishira hejuru Kristo kandi bidukuza muburyo bwimpwemu? Abaheburayo 10:24-25

    Indunduro: Niwisanga ukikujwe n’abantu badaha agaciro ubugenzi , gabanya umurindi w’ubuzima, rondera umugenzi nyakuri, muhe umwanya, kora ibishoboka vyose umuhe umwanya , irinde ibiganiro vyo kuyeyemvya…Rondera kandi uzigame abagenzi bama bakangurira umutima wawe kumenya no kuryohererwa Yesu Kristo.

    (1) Iyi nyandiko yishunga cane amajambo ya Marshall Segal yanditse kurubuga rwishirahamwe Desiring God

    Follow us

    Little Flock Copyright (c) 2025.All Rights Reserved

    Little Flock Ministries