Imana yaturemye kuburyo dushobora gushushanywa nayo muburangamutima bumwe bumwe kandi tudacitse nkayo. Nomurubwo burangamutima idusangzia mubuntu nomurukundo, iguma yisa kuko niyo yonyene ibufise, yabwamanye kandi izobwamana muburyo butunganye.

Uburangamutima bw’Imana isangira n’abantu (Attributs communicables de Dieu)

Indangurakintu (Définition)

Uburangamutima nsangirwa ni uburangamutima Imana ishobora gusangira n’abantu ,n’aho batabugira ku rugezo nk’urwo Imana ibufiseko.

« Nuko mwigane Imana, nk'abana ikunda. Kandi mugendere mu rukundo, nk'uko Kristo na we yabakunze, akatwigura, akatubera ishikanwa n'ikimazi bihabga Imana, umubabge umota neza. »  (Abanyefeso 5:1-2)

« Mbega ntiwamyeho uhereye kera hose, Uhoraho Mana yanje, Uwera wanje? Ntituzopfa. Uhoraho, wabashizeho ng' ubacishe amateka; Gitandara we, wabashiriyeho guhana. Wewe w'inyonga zitunganye zitoraba ikibi, kand' utoshobora kwitegereza ivy' inzigo, n'iki gituma none witegereza abaryarukanyi, ukiyihorerera igihe umunyakibi arotsa umuntu amurusha ubugororotsi; » (Habakuki 1:12-13)

Ugutungana kw’Imana biragaragara muri Kristo uravye uko yabayeho n’uko Imana imuhana bikabije kubera yari yikoreye ivyaha vy’abantu.

Umuntu rero akwiye gutinya no kwubaha Imana,akanka ivyo yanka agakunda ivyo ikunda,akanahungira kuri Krsito we aserurira kandi yuzuza ukugororoka n’ugutungana vy’Imana.

Ivyo vyose Imana ibigira mu rukundo,mu gutungana kandi ata kibi  canke icaha na kimwe kirimwo.Imana iratunganye mu burangamutima bwayo bwose

« Uhoraho n'Imana ifuha kandi ni we ahora; Uhoraho arahora kandi yuzuye uburake; Uhoraho yihora abarwanizi biwe, kand' abansi biwe ababikira uburake. » (Nahumu 1:2)

Uburake bw’Imana bwaragaragaye igihe yahana Umwana wayo ku musaraba kubera ivyaha yari yishizeko. Ni we wenyene yashoboye guhwamika (satisfaire ) uburake bwa Data afitiye icaha. Kugira ngo umuntu ahunge uburake bw’Imana akwiyr guhungira muri Krsito no kwizigira

Iyindi mirongo yo gusoma : Kuvayo 20: 3-8.

Ubu burangamutima bwose hamwe buvuga ko Imana ari nziza,yuzuye urukundo n’imbabazi n’ubuntu. Imana inezererwa gukora iciza.

« Uhoraho n'umunyabuntu, yuzuye imbabazi, Ateba kuraka, agira ikigongwe cinshi. Uhoraho agirira neza bose, Imbabazi ziwe ziri ku vyo yaremye vyose. »  (Zaburi 145:8-9)

Iyindi mirongo yo gusoma : Yona 4:2

Ubwo burangamutima buraseruka kandi mu buzima n’gikorwa vya Yesu. Yesu yaje yerekana Ubuntu ku batabibereye,urukundo ku badakunditse hamwe n’imbabazi ku batari bazikwiriye.Ni naco kimujana ku musaraba.

«  Ngo Mpwemu w'Uhoraho ari kuri jewe, Ni co catumye andobanuza amavuta kugira ngo mbgire aboro ubutumwa bgiza: Yantumye kumenyesha abarindwa ko barekuwe, N'impumyi ko zihumuka, No kubohora abanywagutse imitima, No kumenyesha abantu umwaka wo kwemererwamwo n'Uhoraho. » (Luka 4:18-19)

Inkurikizi (Implications) zo kumenya ubu burangamutima :

Kumenya ubu burangamutima bwose bigamije kudufasha no kukudushikana ku: