Bibiliya niyo yonyene idonda inkuru y’ukuri ibindi vyose ni ibinyoma. Imana yashimye ko tuyimenyera biciye mw ijambo ryayo. Muriryo niho dutahurira ukwimeze.

Mbega imana imeze gute ? isa gute ? iba hehe ?

ICIGWA C’IVYIZERWA KU MANA

Hari uburangamutima bw Imana idasangiza ivyaremwe vyayo. Nari nifuza ko dutebera gato kuri bumwe muribwo.

Ukudahinduka n uguhoraho : bisigura yuko bidakunda kwishobora guhinduka, kugumaho ibihe vyose.

Imana ntihinduka kandi Ihoraho bisigura yuko Imana idashobora guhinduka ngo ibe ukundi itariri, iri uko yamye ibihe vyose, ntikura, ntikora icaha, ntihiduka muburangamutima bwayo,  ku mugambi wayo kuko uratunganye rwose kandi nuwibihe vyose. Ntihinduka kandi kumasezerano yayo.

Yakobo1 : 17 Ugutanga kwose rwise n ingabire yose itunganye rwose biva  mw ijuru vyururuka biva kuri Se w’imico adashobora guhinduka canke kugira igitutu gitewe n’uguhinduka.

1samuel15:10-29 iki gisomwa cerekana ingene IMANA idahinduka. Ntibesha  kandi  ntiyisubirako kuko itandukanye natwe. Samueli ati : Erega Inyenkomezi ya ibisirayeli ntibesha kandi ntiyisubirako kuko Atari umuntu azokwisubireko. Iyindi mirongo :  Zaburi 90:2, Guharura 23:19

Soma Zaburi ya 139: Uyu mwanditsi aratangara cane ariko yiyumvira kuriyo Mana. Atanganzwa ingene yamuremeye mu wundi muntu akamarayo amezi icenda yose kandi arashika kure aho avuga ati ntarabaho wewe warambona,  aba ariko aratanganzwa n ubwenge bw Imana. Munyuma atangazwa nugushobora vyose kwayo ati ninde akora ibikorwa benivyo atari wewe Mana ushoboye vyose kandi arangiza avuga ati mbega nohungira hehe Mpwemu wawe yerekana arangiza avuga ko atanahamwe Imana itari, ahubwo ko iri hose.

III. Imana Iganje vyose, Yigenga kandi Ihoraho

Ukuganza, ukwigenga no uguhoraho aya majambo asigura yuko Imana iri hejuru y’ibintu vyose kandi ibirongora nkuko ishaka kandi yagabiye kuva kera hose.  Mubwigenge bwayo ntiyisunga ikintu na kimwe. Ubwanyuma uguhoraho kwayo nkwerekana uko yamyeho iriho kandi izokwamaho ibihe vyose. N’ Imana rero iganje vyose, Yigenga kandi Ihoraho

Yesaya 40 :12-26 yerekana ubukuru bw’ imana, ingene  yigenga kandi iganje. Akajambo kaguma kagaruka “ninde? mumfata gute ? mwongereranya na nde ? n’inde yigeze kuba umuhanuzi wanje ? ni nde yigeze kunyigisha ? INYISHU NTA NUMWE Mana.

Murabona ko Imana idakeneye intererano yacu mukubaho kwayo no mugukora ibikorwa vyayo, kuko turi ubusa imbere yayo n’ibintu vyose bihari n’ubusa kuriyo, iganje  vyose iri hejuru y umubumbe igaranzura amajuru nk’impuzu, amahanga yose n’ubusa kuriyo niyo ishiraho abami n abaganwa kandi niyo ibakuraho. Kuva ku murongo wa 21 asubira kubaza ikindi kibazo ntimwari bwabimenye ? ntimwari bwavyumve ? ntimwari bwabitahure ? kuva kera hose isi itarashigwaho nari uko kandi nari nganje kubintu vyose vyamye biruko ibihe vyose !

Iyindi miromgo yogusoma : ivyakozwe n intumwa 4 : 27-28 na 17 :24-25 , abaroma13:36