Abakirisu bari bazwi kera nka “ABANTU B’IGITABO” Ariko uyumusi vyarahindukiye. Reka duhere aho tuba dukwiriye duhera nyene. Mbega Bibiliya n’iki”?

Amakuru rusangi kuri Bibiliya

Bibiliya ni Ijambo rikomoka mu rurimi rw’ikigiriki,biblion bisigura igitabo canke umuzingo. Rikaba ari izina ryahavuye rihabwa iyegeranywa ry’ibitabo vy’Imana rukristo.

Ivyo bitabo bikaba ari 66 biri mu bice bibiri vyitwa Amasezerano,kuko bivuga ku nkuru/amasezerano hagati y’Imana n’abantu yaremye. Hariho Isezerano rya kera (ibitabo 39) hamwe n’Isezerano rishasha (ibitabo 27).

Ivyo bitabo vyanditswe n’abanditsi 40, bava mu mice y’ubuzima itandukanye (harimwo,abungere,abami,abanyabwenge,abarovyi,abaganga,abakozi b’i bwami…),mu kiringo c’imyaka 1500.

Biratangaje ukuntu mu butandukane bwabo  n’ibihe vyabantandukanya bwabo bandika ibintu vyuzuzanya kandi bitavuguruzanya. Ni kimwe mu vyerekana ko Bibiliya ari Ijambo ry’Imana vy’ukuri.

Akameremere ka Bibiliya

Ikintu c’ukuri gisigura ko kitarimwo ibinyoma kandi ari ico kwizerwa.

Ni co kimwe na Bibiliya ; kubera ari Ijambo ry’Imana y’ukuri kandi itihenda , na Bibilya nuko nayo ni iy’ukuri kandi niyo kwizerwa.

Igisomwa co muri Bibiliya co kwisunga:  Zaburi 19 :7-9

Mbega hari ikindi kintu muzi kitabesha kandi kitihenda mu buryo butunganye ? Nimba kihari ni ikihe ?Kitahari bifise ingaruka izihe ?

Ibindi bisomwa bifasha kwizera ukwo kuri : Yohana 17 :17, Yohana 8 :31-32, Zaburi 119 :7,75

Ikintu gitahuritse ni ikintu kitarimwo amayobera (absurdités)canke ivyiyumviro bidaditse. Nivyukuri Bibiliya irimwo ibinyegezwa (mystères) aho bisaba guhabwa ingabire yukwizera. Ariko sibihushane bivuguruzanya nkahumenga namananiza.

Bibiliya rero Imana yayiduhaye mu buryo butahuritse (n’aho harimwo ibigoye) kandi ntiyivuguruza. Ivyo dukeneye kubw’agakiza nubugingo budashira biratahuritse. Kubigoye Imana yaratanza ingabire yukwigisha aho dushobora gufashwa nabazifise barongowe na Mpwemu kudufasha murugendo rwo gutahura.

Igisomwa co muri Bibiliya co kwisunga : Gusubira mu vyagezwe 30 :11-14

Mbega iyo umuntu akubwiye ibintu bidatahuritse canke bivuguruzanya bigira ingaruka iyihe ?

N’ubwo twavuze ko Bibiliya yanditswe n’abantu,abo bantu bari barongowe na Mpwemu Yera. Guhumekwa kwa Bibiliya bisigura ko n’aho amajambo ya Bibiliya yanditswe n’abantu iguma ari Ijambo ry’Imana.

2 Petero 1 : 19-21

Ibindi bisomwa vyo gusoma : 2 Timoteyo 3 :16-17, Yohana 17 :17, Ab’i Galtiya 1 :11-12,16

Ikintu cihagije kandi kiri hejuru y’ibindi bisigura ko ata kindi ukeneye muri ako karere gikoreshwamwo.

Kuvuga ko Bibiliya yihagije kandi iri hejuru ya vyose bisigura ko iva ku Mana iganje, irimwo ibidukwiye kugira tumenye,twizere kandi dukorere Imana kandi ko ibindi vyose kugira bigire akamaro bikwiye kuyumvira no kudahushana nayo.

Umurongo w’urufatiro : Ab’i Tesalonike 2 :13

Iyindi mirongo yo gusoma : Kuvayo 14:1, Yesaya 1 :10,1 Ab’i Korinto 14 :37

Turahejeje kuraba uburangamutima bwa Bibiliya kandi iyo yizewe gurtyo, haribikorwa bitandukanye ikora mubuzima bwacu. Bimwe murivyo nibi :