Imana idusubize kumatanguriro y’vyizerwa bizima.
Agakiza kacu gahagaze kuco Kristo ari nico yakoze. Ukwizera kwacu gukwiye guhagarara muco Ijambo ry’Imana rivuga ko Kristo ari nigikorwa ciwe. Ataruko ntikuba arukwizera gukiza.
Umurongo w’urufatiro: Filipi 2:5-11
Insobanuro y’urupfu rwa Yesu Kristo:
Kristo yishizeko urubanza rwacu Kristo yahwamitse uburake bwa Data Inyungu y’urupfu rwa Yesu Kristo:
Kwuzura n’Imana (Reconciliation): N’igikorwa c’Imana biciye muri kristo Yesu kugira yiyuzuze n’abanyavyaha. Abaroma 5:10; 2Korinto 5:18-19 Gucungurwa (Redemption): N’igikorwa c’Imana biciye muri Kristo yesu mu kubohora abantu abakura mu vyaha Efeso 1 :7 Gutsindanishirizwa (Justification): N’igikorwa c’Imana aho yita Umunyavyaha kw’agororotse kubwo kwizera kristo. Rom 3 :23-26 Kugirwa abana b’Imana (Adoption): N’ukwemerwa k’uwizera mu muryango w’Imana. Yohana 1:12 Insobanuro y’ukuzuka kwa Yesu Kristo
Ukuzuka kwa Yesu Kristo gusobanura ko Kristo yanesheje urupfu (1Korinto 15:55-57) kandi yerekanye kwar’umwana w’Imana (Rm 1:4) Inyungu y’ukuzuka kwa Yesu Kristo
Ukuzuka kwa Yesu Kristo kwatumye abizera batsindanishirizwa (Abaroma 4:25) Ukuzuka kwa Yesu Kristo kwahuje abizera muri Kristo yesu (1Korinto 4:14) Ukuzuka kwa Yesu Kristo kwahaye abizera ivyizigiro vy’ubugingo budashira (1Petero 1:3-4) Ukuzuka kwa Yesu Kristo kwazanye ukuzozuka kw’abizera nk’uko we yazutse (1Korinto 15:20). Insobanuro y’ukuduzwa kwa Yesu Kristo
Yesu amaze kuzuka yaciye asubira mw’ijuru. N’Imana yambaye ishusho y’umuntu kubw’igikorwa co gucungura abantu, ubu yicaye i buryo bwa se (Luk 24 :50-51). Ukuduzwa kwa Yesu Kristo kwerekana ingene Kristo ar’umwami aganje hejuru y’ukuganza kw’ibihe vyose (Efeso 1:20-21; 2:6-7). Inyungu y’ukuduzwa kwa Yesu Kristo
Ukuduzwa kwa Yesu Kristo guhereza abizera kwegera intebe y’ubuntu y’Imana (Heburayo 4:14;1:3) Ukuduzwa kwiwe kwatumye abizera bahabwa umufasha ariwe mpwemu year (Yohana 14:16-17; 16:7) Ukuduzwa kwa Yesu Kristo guhereza abizera inyota y’ukubona ukugaruka kwiwe (Ivyakozwe 1:11; 1Korinto 15:24-27) UKUGARUKA KWA KABIRI KWA YESU KRISTO
Insobanuro y’ukuzogaruka kwa Yesu Kristo
Ukugaruka kwa Yesu Kristo n’ingene Kristo azoza ku mpera y’ibihe aje gushitsa urubanza rwanyuma kubatizera no gukiza burundu abizera (IvyahIshuwe 11 :18). Inyungu y’ukuzogaruka kwa Yesu Kristo
Ukuza kwa kristo kwambere yaraje gutanga agakiza biciye mu rupfu no kuzuka kwiwe ariko ukuza kwiwe kwa kabiri azoba ar’ukuzurwa kw’imibiri yacu no kwambikwa imibiri misha itagira icaha (1kor 15 :20-28 ;Rm 6 :5-10 ;8 :23) Nikuzomubona imbona nkubone turyoherewa ubwiza bwiwe ibihe vyose ( Ivyahishuwe 22 :4) 
