logo
feat-img

Imirwi mito y’Abigishwa isangira ukwizera kw’abera ba kera

Green Pastures
February 2, 2026

Buri mwaka, rimwe mu ndwi, barakoranira hamwe hanyuma barasengera hamwe mu gusozera umwaka.

Abo ni abizera bava mu mashengero atandukanye basanzwe bari mu rugendo rwo Gusoma Bibiliya yose buri mwaka baherekejwe na “Green Pastures” hanyuma bagaheza bagakoranira hamwe mu mirwi mito-mito yitiriwe Green cells mu kibano mu ntumbero yo gutahurira hamwe ivyo baba basomye ari bonyene.

Uyu mwaka hari ibitari bike vyawuranze:

  • Ubwa mbere, uyu mwaka wa 2025, “Green Pastures” yaherekeje imirwi mito-mito 5 (5 Green Cells): Ni yo Down Town yahuza ababa bari Hagati y’igisagara ca Bujumbura (Centre ville) na cane cane ababa bahejeje akazi Kabo ka misi yose aho imbere y’uko bataha bahaca, hanyuma Carama na Kamenge yahuza ababa mu buseruko bw’igisagara ca Bujumbura (Nord), Gihosha igahuza ababa mu buraruko (Ouest), Ngagara igahuza ababa mu Burengero (Est) hanyuma Kinanira igahuza ababa mu bumanuko bw’igisagara ca Bujumbura (Sud).
  • Ubwa kabiri, uyu mwaka urangiye, waranzwe no kwigira hamwe ibibazo n’inyishu bigize Ikatekisimu y’abapuritani yashizwe mu Kirundi na Jean Apôtre Nikiza. Aho buri wa mbere bigira hamwe ibibazo bibiri n’inyishu zavyo hanyuma bagafashanya kubitahura ndetse no kubifata Ku mutwe. Inyuma y’ivyo, ivyo barabiye hamwe buri ndwi, n’ivyo vyaca bibarongora indwi yose ikurikira na cane cane kubafise imiryango, aho bavyiyumvirako, bakabiyagako hanyuma bikabarongora mu masengesho.
  • Ubwa nyuma, inyuma yo kwihweza ibibazo n’inyishu vyose bigize Ikatekisimu, harabaye amasengesho arangiza umwaka y’abagize ama green cells bose mu ntumbero yo kwegeranya ivyo twizera. Habaye kwisunga inkingi zigize Ubutumwa bwiza : Inkingi ya mbere yari igizwe n’ibibazo bivuga Ku nsobanuro y’ubuzima, ukuganza no kurongora vyose vy’Imana hamwe n’icaha; Inkingi ya kabiri yari igizwe n’ibibazo n’inyishu bivuga Ku bikorwa Vya Yesu Kristo hamwe n’ishitswa ry’agakiza mu mitima y’abatoranirijwe agakiza, Inkingi ya gatatu yarigizwe n’ivyigizigiro vy’abizera hamwe n’ingene Imana izosozera vyose ku mpera y’ibihe. Inyuma yo kuvyagura no kubitsindagira, harabaye Gusenga barongowe n'izo nkingi aho ugusuka ivyo bizera Ku Mana vyabaye uruzi rutemba mu kwishura Ku Mana. Habarabayeho kunywana kuvyawe n’ugutahura ukundi ivyo twizera mu muco n'Ivyanditswe Vyera aho vyavyaye gushima Imana Ko yabagabiye ibihe vyiza vyo guhura na yo biciye mu butumwa bwiza buserurwa n'ikatekisimu.

    • Mu kurangiza, harabaye gushingiranira intahe z'ingene Imana yatambukanye na buri wese muri urwo rugendo hanyuma haba no gusaba Imana kuzotambukana na yo mu mwaka ukurikira.

    About us

    Our Story

    Our Faith Statement

    Our Spiritual Culture

    Follow us
    Little Flock Copyright (c) 2026.All Rights Reserved

    Little Flock Ministries