Ubutumwa Bwiza sindome zitatu zambere(ABC) ariko n’urufatiro, umutima hamwe n’inyubako vy’urugendo rwacu rwose rukristu. Ngizi ingingo nyamukuru zitanu zigize Ubutumwa Bwiza:

1. Nkuko Ivyanditswe vyera bivuga , (2Tim3:16-17, Jn 17:3; Prov 19:7-11) Imana yonyene Yera,igororotse,inyabuntu  kandi yurukundo,yamaho kandi yamyeho iri mu Butatu kandi arimwe Rudende( Gusubira muvyagezwe 6:4) yaturemye itwishushanijeko kubwicubahiro cayo ngo tuyinezerererwe tuyiheshe icubahiro turi mubusabane na Yo. (Itanguriro 1&2, Yesaya 43:6-7)

2. Yamara Umuntu yahisemwo gukora icaha arico mugakugarariza,arondera kwiganzura (Roma 1:21-23)acarwa musi yurubanza rw'Imana kandi bimutera kwononekara cane ibwina muri we kandi rwose kuburyo adashobojwe nubuntu bw'Imana atoshobora kwikura murako kaga.(Roma 6:23, .Roma 3:23)

3. Ariko Imana mu rukundo rwayo yarungitse Yesu Kristo Umwana wayo, aza nkumuntu yuzuye kandi nk'Imana yuzuye apfa mukibanza cacu kandi adukurako uburake Imana yariturakiye( Roma 3:24; 5:9; Galatiya 3:10-14;2Korinto 5:21; 1Petero 2:24; Yesaya 53)

4. Yesu Kristo yarazutse mubapfuye kandi ahingabire y' ubugingo budashira abamuhindukiriye mu kwizera no mu kwihana. Ukwo guhindukira gushoboka kubwa Mpwemu yera ahumekera ubuzima muwapfuye, maze akamwemeza ivy’icaha, ivyurubanza nivyukugororoka(Yohana 16:8). Uwo Mpwemu niwabandanya yeza uwizeye,akamugereramwo, akamwuzura kandi akamukoresha ibihesha Imana icubahiro. (Ezekiyeli 36:27; 1Petero 1:1-2; Kolosayi 1:11; Efeso 3:16; Efeso 4:12)

5. Abizeye bahinduka inyegu y'Imana, bagacika Ishengero, ingingo z’umubiri wa Kristo, bakabaho bahimbara Imana kandi bayihimbaza kubwa Yesu Kristo,(Roma 6:6-4-14; 1Korinto 15:12-22) maze bagakurira mu Buntu bw'Imana gushika aho Yesu azogarukira bakararwa burundu Ubwami bw'Imana. (Tito2:11-14). Niho bazobana n'Imana bitegereza munyonga hayo ibihe vyose (Ivyah 22:4; 1Petero 1:18) yamara abatizeye bazohindirwa hanze,kure y'Imana,kure ya wa murwa wera aho bazobabarizwa mumuriro udahera ibihe bidashira.(2Tesalonika 1:9;  Matayo 25:46; Ivyah 20:15; 21:1-8)