Naho kwiga Bibiliya ari urugendo rurerure kandi duhamagarirwa kwama dukura murirwo, nivyiza ko umuntu amenya intambuko zisanzwe zibanze zomufasha kubandanya yumva ijwi ry’Imana mw’Ijambo ryayo kumusi kumusi. Hano tubahereza intambuko zibanze zitanu zobafasha

KWITEGURA

Fata akanya utarushe mumutwe no mumubiri. Tegura Bibiliya yawe aho wandikira hamwe n’ikaramu. Bishobotse zibiri harimwo niyamabara.

Tata akanya ko gusenga.

Tahura kukeneye Mpwemu akwugurura amaso kuko niwe yahumekeye iri Jambo. Niwe yoritwigisha.

KWITEGEREZA: Mbona iki?

Hitamwo igice gito ugiye kwiga. Gisome kandi ugisubiremwo kenshi. Uriko urabikora niwibaze ibibazo bitanu bikunda gukoreshwa:

nibande?bari hehe?niryari?kubera iki?vyagenze gute?

Ivyo bibazo bigushoboza kwitegereza igisomwa.

Uriko uracitegereza suzuma kandi bino bintu:

Nayahe majambo yagumye agaruka kenshi?nutuhe tujambo twunga iciyumviro kimwe nikindi?mbega hariko hakoreshwa amavuga ayahe?ayo mavuga ari mumyanya iyahe?Hoba harimvugo ngereranyo zakoreshejwe?canke ibihushane?Hoba  hari utujambo tunyereka kwiciyumviro gishasha gitanguye?canke ko inkuru ibandanirije mukindi kibanza?nibindi nibindi....

GUTAHURA: Bisigura iki?

Kuriyi ntambuko tugerageza kwibaza ivyo twabonye ico bisigura. Mbega kino gisomwa umutima waco nuwahe?nicihe cigisho nyamukuru kirimwo?Mbega ibindi vyiyumviro vyenena kurico ciyumviro nyamukuru nibihe?Ico cigisho nyamukuru casigura iki kubantu bambere bandikiwe?Umwanditsi yari yiteze ko abo yandikiye babitahura gute?babishira mungiro gute? Mbega umwanditsi yashikirije ico ciyumviro gute?yariko atera inkuru yivyabaye?yakoresheje imvugo yicese?harimwo ubuvugishwa bwibizoba?

Mbega inyigisho nyamukuru irimwo ihuriye hehe nivyo Bibiliya yigisha ahandi?Mbega icizerwa kirimwo hoba hari ahandi Bibiliya icigisha canke igitsindagira? Mbega ibi ndiko ndasoma bifise ikibanza iikihe munkuru yagutse ya Bibiliya?

KWIHEREREZAKO: Mbega Imana inshakako iki?

Mbega muriri Jambo hoba hari icagezwe nahonyanze nkeneye kwihana?hoba harimwo isezerano nkeneye kwizera?hoba harimwo inyifato nkeneye guhindura canke nkeneye gutangura kugaragaza?mbega iri Jambo rindungika hanze kubaho gute?hobari hari imburi nkeneye kwitwararika?hoba harimwo inkebuzo nkeneye kwama nibuka?

Rangiza usenga

Ico Imana yakweretse cose giserurire mumasengesho.

Inginga kubwawe ,kubwishengero,kubwo abatarakizwa. Rangiza ushima Imana yabanye nawe kandi yakuganirije.