Urafise ahantu uhora uja kwiherera hafise kahise kumbure wewe wenyene uzi ? Kahise kavyura ibigumbagumba iyuri murico kibanza? Cobarikibanza ujamwo iyo wumva ukeneye gusubira kwiyegurira Imana?Iyucitse intege mukuyikorera canke kuyumvira haraho uhoruja kwiherera muntumbero yo gusubira kwishikana ukundi gusha? Jewe ndafise ibibanza bibiri.

Hagati ya 2004 na 2005 niho nacanirwa nijwi rimpamagarira kuyikorera. Kuyumvira nokureka vyose vyari vyoroshe. Umunezero wokuyikorera wari unyuzuye. Kandi umubatizo wa Mpwemu wubushobozi narawugendana. Nari kwifuza kubuzima bwanje bwama busa gurtyo ibihe vyose. Ariko nubu ndacaja kwicara mugacerera ka chapel ntoya ya Lycée du Saint Esprit kurira , gusenga, kwiyumvira. Rimwe mumwaka ndacaduga I Ngozi mukarere ka Buye gupfukama…

Abisirayeli, ihanga ryari rikeneye kunagurwa

Nabisiyareyeli kwaruko. Imana yari yarabahaye ikibanza bazohora bakoraniramwo mumwiherero ngo banaguke mukwumvira. Carikibanza gifise kahise kuva kuri sekuruza wabo Aburahamu. Shekemu ikikujwe nimisozi ibiri: Gerizimu na Ebali.

Naho Imana isezerana nabo kumugaragaro muri Kuvayo 19-20; igitabo co Gusubira muvyagezwe kitubgira ingene urunganwe rwabavukiye mubugararwa muri yamyaka mirongo ine yo kuyerera inyuma yukutumvira kwurunganwe rwambere , bari bakeneye gusubirirwamwo ivyiryo sezerano. Bamaze kwinjira I Kanani, Yosuwa abatwara I shekemu kubarahiza kandi.( 8:30-35) Imbere yukwapfa akongera kandi kubarahiza( 24). Naho vyamusaba hutambukana namasinzi y’Abisirayeli ibirometero birenga 30, bava i Hayi baja i Shekemu , Yosuwa , asunitswe nagatima kifuza kubona kunagurwa kwubwoko bw’Imana arahabarongorera.

Isezerano turimwo na Yesu Kristo niryintahava ntirihinduka. Ariko twebge turahinduka ariyo mpamvu dukeneye kunagurwa muriryo kenshi. Inkuru y’Abisirayeli naha itubera akarorero.

Turimbure kuri: Gusubira mu vyagezwe 27

Ivyino misozi iri Gerizimu na Ebali Imana yari yabitegetse kuva mugice ca 11:29-30. Hano Imana iriko irabisubiramwo gusa. Hama bizoshirwa mungiro na Yosuwa bamaze gushika I Kanani.

Kuva kumurongo wa 1-8: Imana ibasaba kwubaka igicaniro bakoresheje amabuye adahinyayuwe nicuma. Basabwa kandi kwandika kumabuye ivyagezwe( kumbure bimwe cumi) muburyo busomeka. Mbega ibi ntivyerekana umwitwarariko w’Imana ko Ubutumwa Bwiza, bukwiye gusohoka bukerekanwa muburyo busanzwe kandi bwumvikana? Nikangahe ijambo ry’Imana turirenzako ibindi bidakenewe bisamaza abantu bikabahushisha bimwe vy’ibanza aribwo BUTUMWA BWIZA. Kumbure nubuhinga bwacu mukuvuga, nuguhinyanyura iciyumviro, nugusongora ijwi, gutwenza munkuru nyinshi zisamaza nibindi. Ariko kandi hano tubona uruhara rw’Ijambo ryimana risonanuwe mubwizigirwa mukunagurwa kwimitima yacu. Amakanguro yose ah’Imana yagenderera ubwoko bwayo ngo ibunagure yarangwa nijambo ry’Imana rivuzwe mubushobozi bwa Mpwemu Yera.

Kuva kumurongo 9-10: Imana itsindagira ko kwumvira arivyo bigira Abisirayeli kuba ubwoko bw’Imana. Aha rero nikuhagenda neza kuko tuzi kubuntu bwayo nurukundo vayo arivyo vyabakuye muri Egiputa nkuko isezerano ryambere rivuga ( Kuvayo 20:1). Bacitse ubwoko bw’Imana kuko bacunguwe n’Imana yabakijije batabibereye. Ariko hano Imana iriko itsindagira ko abinjijwe mwisezerano nubuntu bw’Imana bategerezwa gushishikara mukwumvira gurtyo bakerekana koko ko batahura inshingano zabo mwisezerano binjijwemwo n’Ubuntu bw’Imana.

Mugihe vyari vyoroshe kururunganwe rugiye kwinjira muri Kanani rwitwararika kunesha amahanga, gutera nokunesha, Mose we arajw’ishinga nukwumvira kwabo. Intumbero yokwinjira Kanani sugutsinda amahanga nogushikira igihugu ariko nugucika ubwoko bumase ku Mana yabo mugihugu Imana izoba yirukanyemwo abatayisenga vyukuri. Inagurwa ryo muburyo bw’impwemu rirangwa numwitarariko wo guhimbara gusumba ikindi kintu cose. Umwami Sauli atewe nabafiisitiya bimunanira kurindira umuvugishwa Samweli kugicaniro.(1Sam 12-15) Kunesha vyari ibihambaye kuri we gusumba kwumvira. Vyatumye atakaza ingoma. Yosuwa ahejeje kunesha i Hayi azana Abisirayeli kuriy

Kuva kumurongo 11-28: tubona urutonde rwimivumo bazobwira abatumviye Imana. Iyo misozi uko yarimeze muri kame kayo yaserura ukuri kwiyi ndahiro. Ebalu warumusozi utagirako ubwatsi butotahaye uriko ibitandara atabuzima nabumwe wohasanga. Vyaserura ingene kutumvira bisiga umushaha ahantu hagadutse. Zaburi 38, na 39 ziratwereka umubabaro ujana nicaha. Munyuma Gerizimu arinaho baturira imigisha hari hatotahaye cane bibiti biremvye. Kwarukugira bitsindagire bimwe Zaburi 1 ivuga kuwurimbura ijambo ry’Imana akaryumvira ingene azomera nkibiti bitewe hafi yimigezi vyama bitotahaye. Imana numwigisha atangaje!

Igicaniro cokuri Ebalu

Ikintu gikomeye cokutibagira nuko Imana yategetse abisirayeli kwubaka cagicaniro kuri Ebalu, atari kuri Gerizimu. Yarizi ko abatumviye bazokenera impongano. Ico gicaniro cabura ikimazi ca Kristo nawe yitanze kumusozi Goligota agapfa mukibanza cabatumviye akishirako umuvumo wivyaha vyacu.

Ese akaruhuko duhabwa na Kristo, umwe yumviye mukibanza cacu agashitsa ivyo Data asaba maze ngo duharurweko ubugororotsi bwiwe Maze agapfa mukibanza cacu ngo dukire urubanza rw’Imana. Uwo abereye gukundwa nokwumvirwa nkishikanwa ryumutima uhimbaza. Amen.