Muruyu muhamagaro udasanzwe wokurera nkuko IMANA ishaka, nkuko Bibiliya ivuga, urugamba si urw’umwe.
Ni muruyo mutima nyene, kwigenekerezo rya 26/04/2026 abavyeyi bakijijwe bahuriye muri Hotel le Chandelier kugirango bahanahane ivyiyumviro bafashanye muri urwo rugamba.
Kuri uwo munsi, umwungere NIKIZA yaribukije abari bahari ingingo 5 nyamukuru ngendegwako zo kurera nkuko Bibiliya ivuga :
Turera abana nkabababikijwe n’IMANA Turera abana ngo bayiheshe icubahiro Kurera bigamije impinduka yibwina gusumba impinduka yinyuma Ubutumwa Bwiza nico gikoresho kizana impinduka nyakuri Ivyizigiro nicishimikizo gikomeye cumuvyeyi, gituma adacika intege iyo atamwimbu ariko arabona Umwigisha Innocent NIYONGABO yifashishije igitabo c’umwanditsi Justin whitnel Early “Habits of the household: Practicing the story of God in everyday family rhythm yaratsindangiye yuko indoto yo kurera nkuko IMANA ishaka idashobora gucika ukuri mugihe imiryango rukristu itubatse umuzingi wi myimeneyerezo yo muburyo bw’impwemu igizwe nibintu cumi bikurikira.
Umwigisha Innocent NIYONGABO Bugica hakwatsa telephone canke I machine, senga kandi rimbura hamwe mu muryango. Gusangirira hamwe mu muryango nibimere nkisangira ryera, kabe nakaryo ko kuganirira hamwe mu muryango Guhana umwana bikwiye guhishura ubutumwa bwiza, IMANA year yanka icaha kandi ihana icaha ariko kandi IMANA y’urukundo, iharira kandi itwakira muri Kristo Yesu Abana bakwiye kumenyerezwa kwifata, kwigerera nogukoresha neza ibikoresho vy’ubuhinga (les outils de technologie) Gusengera hamwe mu muryango singombwa bimare umwanya muremure ariko bikwiye kuba umuco, singombwa bitungane ariko bikwiye gutunganywa neza Umubano mwiza wabubakanye nicishimikizo gikomeye kundero y’abana Umwana akwiye kwigishwa hakiri kare agaciro kibikorwa (travail): Mukumenyerezwa udukorwa dutoduto, mukuganiriza abana ivyo dusanzwe dukora, rimwe na rimwe tukabatwara aho dukorera. Gukina n’abana ningombwa si umwanya utakaye. Ni igicapo c’isi nsha izoremwa, izoba yuzuyemwo umunezero n’ukwidagadura. Nivyiza ko abavyeyi n’abana baronka umwanya wo kuganira batihuta. Umwana akaronka akaryo ko kwidagadura mubibazo. Ni akaryo keza ko gusenga n’umwana ariko atari umwanya muremure. Kumpera y’umunsi umwana aributswa ko uko umunsi uba wagenze kose, IMANA imukunda kandi Ubuntu bwayo bumuhagije. Umwigisha Dorine asanzwe ari umuhinga muvy’imibereho akaba arongoye nikigo co kwumviriza (Mbwira services) yaribukije abari bahari uruhara sindamusiga rwo kumviriza mugikorwa cokurera:
Yarabwiye abahari ico kumviriza bitari nico kumviriza nyakuri biri: Kumviriza si ugutora inyishu ariko nugutanga umwanya wo kwumvirizwa
Kudaciramwo uwuriko aravuga Kutumviriza umuntu uriko urakora ikindi kintu Kwibuka ko wewe nuwo uriko urumviriza mutabona ibintu kumwe Kugerageza gusubiramwo mu majambo make ivyo uwo uriko urumviriza ahejeje kuvuga kugira ubone ko wabitahuye neza Kwita izina ikigumbagumba uwo uriko urumviriza ahejeje guserura Kubaza ibibazo uwo uriko urumviriza atishura ego canke oya Kwubahiriza agacerere mugihe uwo uriko urumviriza ahoze Kwemezanya nuwo uriko urumviriza ko ikigumbagumba afise ugitahura Kubaza uwo uriko urumviriza ico yiyumvira Gutahura uko umwana ameze:
Hagati y’imyaka(0-3): Kuriyo myaka umwana ntavugisha amajambo, avugisha umubiri: amarira, kubura amahoro, kuraba Hagati y’imyaka (3-6): Umwana ntatandukanya ivyo ariko ariyumvira n’ivyukuri. Vyose biravangana umuvyeyi akwiye kumutahura. Hagati y’imyaka (6-12): Umwana atangura kwiyumvira, gutahura amategeko no gutondeka ivyiyumviro vyiwe Hagati y’imyaka(12-18): Ni igihe kidasanzwe aho umwana atangura kuba we bukebuke Ingaruka nziza zo kumviriza:
Kwumva ari uwagaciro birakura(estime de soi) Ariga guserura ibigumbagumba vyiwe Araserura ivyiyumviro muburyo burashe Ingaruka mbi zo kutumviriza:
Umwana arakekeranya kuvyo yiyumvira Yiyumva ari wenyene naho yoba akikujwe n’abantu Yamana ubwoba bwo kudatahurwa Umwana ariyugarana canke akaganiriza umuvyeyi ivy’umurenzako Aronderera handi ivyo ataronka muhira Kuberiki bigoye kumviriza?
Kubura umwanya canke kudatunganya neza umwanya Gushaka gutegeka birenze ubuzima bw’umwana Abari bitabiriye ico kiganiro, nabo baraterereye ivyiyumviro vyiza kandi vyubaka. Muvyo basavye nuko Imyanya nkiyi yogwizwa kandi ikaba miremire.
