Imana idusubize kumatanguriro y’vyizerwa bizima.
Hari amakuru menshi avuga ku nkomoko y'umuntu ariko igitabo Bibiliya nico gitabo conyene kitubwira ah'umuntu yavuye.
Inkomoko y’abantu bambere
Turongowe n'Ivyanditswe vyera mu gitabo c'itanguriro 1 :26-27; hamwe n'igice ca 2:7 tubona:
Imana yabumvye Umuntu mu mukungungu wo hasi hanyuma ica imuhumekeramwo impwemu y'ubugingo, umuntu acaba uwufise ubugingo. Umuntu wambere yitwa Adamu yaremwe mw’ishusho y’Imana, Imana niyo yamuremye. Umuntu wa kabiri yitwa Eva yavuye mu rubavu rwa Adamu (Itanguriro 2:21-22) Abo bompi nibo bantu bambere Imana yaremye murubwo buryo ,nibo bavyeyi bacu bambere canke basokuruza b'abantu bose bavutse hanyuma na twebwe turimwo. Mbega Imana yaremye abantu bameze gute? Imana yaremye abantu batunganye, bisobanura abantu batagira icaha (It 1:31). Bari babayeho neza kandi bafitaniye imigenderanire myiza n'lmana. Ukwabantu bambere bagararije Imana
Imana yabwiye Adamu na Eva ibikwiriye kugira babeho ,irabereka n'inkwirikizi kuco bazohitamwo (It 2:16-17) Abavyeyi bacu bahisemwo nabi, aho guhitamwo kubaho bahisemwo urupfu (It 3:6) Mu guhitamwo urupfu, bagararije lmana, ntibumviye lmana bahisemwo nabi ico Nico Bibiliya yita icaha. Icaha n’igihe tudahwanije n’ivyagezwe vy’Imana kandi n’uguhonyanga ivyagezwe vy’Imana; n'ukutumvira lmana. Icaha kirengeye igikorwa umuntu akora, n’ingene umutima w’umuntu umeze imbere y’uko kiba ikintu akoze. Umuntu yarononekaye mu ntimatima y’icari, ukwononekara kwashikiriye ibihimba vyose bigize umuntu. Inkurikizi zo kutumvira kw’abantu bambere
Hoba har'inkwirikizi kuba Adamu na Eva batumviye Imana?
Ego cane, Adamu na Eva bamaze gukora icaha :
Batandukanye n’Imana, batangura kwinyegeza (It 3:8). Bose bahindirwa hanze y'itongo rya Edeni batakaza imigenderanire bari bafitaniye n'lmana (It 3:23-24). Eva abwirwa kwazogira umubabaro igihe cose azoba yibungenze, azokwama avyara abana ababara (It 3:16) Adamu abwirwa kwazaniye isi umuvumo kandi kwazorya arushe (It 3:17-19) Adamu abwirwa kwazopfa mu buryo bw'umubiri (It 3:19) kuko Imana ar'inyakuri kandi ikaba itunganye ico ivuze kiba nk'uko ikivuze; kukw'igororotsei, irashitsa ivyo yavuze mu butungane: urupfu rwo mu buryo bw'umubiri ruramushikira Adamu n'uruvyaro rwiwe ariko kandi n'urupfu rw'ibihe bidashira rurabarindiriye inyuma y'ukuzuka hamwe boba batagarutse ngo basubire guhindukirire Imana. Mbega jewe Icaha Adamu na Eva bakoze kirandaba?
N'icaha adamu yakoze hanyuma bituma abamukomokako bose baragikoze. I
gihe Adamu yagarariza lmana twari muri we mû bice vyose bimugize.
Isezerano ryari hagati y'lmana na Adamu ntiryari irya Adamu gusa, ryari n'iry'uruvyaro rwiwe ruzomukomokako. Twaguye mu caha kandi twaguye mu kaga, turi musi y'ishavu n'urubanza vy'lmana. Turatsindwa kubw'icaha Adamu yakoze,twatakaje ubugororotsi bwa mbere Adamu yarafise,twataje kunywana n'lmana kandi turi musi y'umuvumo w'icaha gushika ku rupfu ndetse n'imibabaro y'ibihe bidashira.
Biradusaba kumenya neza ko twavutse tur’abanyavyaha kandi turi babi cane, icaha cadushize mu mwiza w’ukwanka Imana no kuyigarariza kandi kubwacu ntidushobora kwikiza kuko ntitwidegemvya (yohana 8:34; umusiguzi 7:20) gushitsa duhumekewemwo impwemu y’ubugingo, tukazuka tukava mu bapfuye, kubw’ivyo dukeneye UMUKIZA.
(Abaroma 3:23; 5:12;Zaburi 53:3; Yobu 15:14-16; 25:4-6).
