UMURIRO UDAHERA HAMWE N’IJURU

Ijuru n’umuriro. Aya maherezo abiri aratandukanye cane gusumba ijoro numurango. Ariko asa ikintu kimwe: Yosa nayibihe bidashira.

Abaroma 6 :23. Ingero y’icaha n’urupfu, arikw’ingabire y’Imana n’ubugingo budashira bubonerwa muri Yesu Kristo Umwami wacu.

Intangamarara

Umuriro udahera hamwe n’ijuru ni ibibanza bibiri bitanduianye abantu bazojamwo mu buzima budashira, inyuma y’urupfu (Ivyahishuriwe 20 :11-15).

ICO BIBILIYA IVUGA KU RUPFU

Hari ubwoko butatu bw’impfu. Urupfu rwo mu buryo bw’umubiri, urupfu rwo mu buryo bw’impwemu hamwe n’urupfu rw’ibihe bidashira.

Urupfu rwo mu buryo bw’umubiri (mort physique)

N’igihe umushaha utandukanijwe n’umubiri. Mu yandi majambo, n’igihe umuntu w’indani atandukanijwe n’umuntu w’inyuma. Urwo rupfu rwazanywe n’icaha kandi rushika ku badakijijwe n’abakijijwe bose.

Abaroma 5 :12. None rero ko bimeze birtyo, nk’ukw’icaha cazanywe mw’isi n’umuntu umwe, urupfu rukazanwa n’icaha, nik’urupfu rushika ku bantu bose. Kuko bose bakoze ivyaha.

Urupfu rwo mu buryo bw’impwemu (mort spirituelle)

N’igihe umushaha w’umuntu utandukanijwe n’Imana. Icaha ca Adamu cakoze ku bamukomotseko bose, ku buryo umuntu wese avuka apfuye mu buryo bw’impwemu. Iyo umuntu apfuye mu buryo bw’umubiri, yari asanzwe apfuye mu buryo bw’impwemu, aba yinjiye mu rupfu rw’ibihe bidashira.

Urupfu rw’ibihe bidashira (mort éternelle)

N’igihano c’ibihe bidashira Imana ihana abapfuye mu buryo bw’impwemu. Bazohanwa ibihe bidashira, ariko babanza gushirwa ahantu h’imfatakibanza (ukuzimu) mu kurindira umuzuko w’urubanza rwa nyuma rw’aho bagenewe h’ibihe bidashira (umuriro udahera). Ico kibanza n’aho ari ico kurindiriramwo urwo rubanza, n’ikibanza c’imibabaro. Luka 16 :19-31 Ivyahishuriwe 20 :11-15

IJURU

Twavuze yuko urupfu rwo mu buryo bw’umubiri rukora ku bizera n’abatizera bose. Kandi kw’abantu bose bavuka bapfuye mu mpwemu. Ariko biciye mu butumwa bwiza hamwe n’igikorwa ca Mpwemu yera, birashoboka k’umuntu ava mu rupfu rwo mu buryo bw’impwemu akaja mu bugingo budashira. Ef 2 :2-5

Ubuzima budashira n’iki ?

Ubugingo budashira n’ingabire y’ubuzima Imana iha abizeye Umwana wayo Yesu Kristo. Yohana 3 :16. Ntabwo ar’ubuzima butangura inyuma y’urupfu, ariko n’ubuzima umuntu atangura kuva igihe yizereye 1 Jean 5 :11-12. Kubera ko Yesu ariwe buzima budahera ku bizera kuva bakiri kw’isi. Yohana 17 :3

Ubugingo budashira nk’ijuru, n’ikibanza abizera bazoruhukiramwo ibihe bidashira hamwe n’Imana inyuma y’ubu buzima. Imbere yuko baja mw’ijuru, mu kibanza bazobanamwo n’Imana ibihe bidahera, bazobanza bashikire mu kibanza ciza co mw’iparadizo mu kurindira abandi bera bose bazoba basigaye kw’isi. Hariho abatazopfa urupfu rw’umubiri, bazobaho gushitsa Yesu Kristo agarutse, aho niho ukugaruka kwiwe kuzoba uburyo bwo kubinjiza hamwe n’abazoba barindiriye mw’iparadizo mu bihe bidahera vyo mw’ijuru.