Uyu mwaka wa 2026, n'umwaka ugira gatanu hatanguye urugendo ruhuza ababa basangiye ikibano, baba basanzwe bariko barasomera hamwe Bibiliya yose buri mwaka baherekejwe na "Green Pastures" mu ntumbero yo kuyitahurira hamwe.

Hamwe n'ivyo, nk'uko umwanditsi Salomon abivuga mu gitabo yanditse citwa umusiguzi, ukubaha Uhoraho no kwitondera Ivyagezwe vyiwe n'urufatiro rw'ibintu vyose Ku muntu wese (Umus. 12:13). Mu yandi majambo, gusoma buri musi Ijambo ry'Imana no Kuririmburira hamwe n'abandi bizera n'ibintu bihambaye kandi ntahara mu buzima bw'uwizeye. Ni kubw'iyo mvo nyamukuru, guhura kw'imirwi mito mito (Green Cells) y'ababa bariko basoma Bibiliya yose biba bikenewe mu kibano.

Muri iyo myaka ine irangiye, buri mwaka waba ufise akabirya wisangije. Reka tubirabire hamwe:

Ku vy'ukuri hari intahe nyinshi zivugwa mu buzima bw'abigishwa ba Kristo bariko batambukana mu gukurira hamwe biciye muma Green Cells.

Twokwibaza, mbega uno mwaka wowo wa gatanu (2026), hoba hatunganijwe iki?

Mu gihe iyi myaka ine irangiye hari imigwi 6 mito mito (6 Green Cells), uyu mwaka harabaye kwegeranya iyo migwi 6 mu migwi 3:

Umugwi wa mbere ukaba uri hagati mu gisagara ca Bujumbura (Green Cell Downtown) neza na neza mu nyubakwa ya Ecobank Siège, aho abavuye Ku buzi butandukanye baca bahaca bakigira hamwe Ijambo ry'Imana imbere y'uko bataha mu miryango yabo.

Umugwi wa kabiri, uri mu buraruko bw'igisagara ca Bujumbura (Green Cell Nord) neza na neza mu carama, aho abahegereye canke abahaba baca bahura nabo bakigira hamwe Ijambo ry'Imana.

Hanyuma umugwi wa gatatu, n'umugwi uri mu bumanuko bw'igisagara ca Bujumbura (Green Cell Sud) neza na neza mu Kinanira.

Ndizera ntakekeranya ko azoba ari ibihe bidasnzwe kuko Imana izoba iriko ituganiriza biciye muri rino kete.

Mu kurangiza, birashoboka ukaba utari bwumve aya makuru canke ukaba warabaye muri green Cell kanaka mu bihe vyaheze, Kaze kandi no mur'uyu mwaka, utambukane n'abandi bizera muri uru rugendo ruticuzwa.